第八章

    大阪的咖啡店打烊之後，我们结了帐离开，狄朗提意送我到计程车站，说要看我截车回机组人员入住的酒店才舍得离去，但我坚拒他的护送，我不想制造大家有如当初要好的错觉，不想他误会有所期望，狄朗忍不住问:「琳……我哋可以从头开始过嘛？……可以嘛？」

    他这个问题，令我十分头痛，我就是不希望他有这样的想法，觉得我们可以当作什麽事都没有发生过一样，可以从头开始。

    我说:「狄朗，我对过你唔住，我同你喺埋一齐嘅时候，我心入面仲谂住佢……我哋点重头嚟过？」

    狄朗:「我哋可以一齐离开日本，离开温哥华，返翻澳门住，以後都唔谂佢嘅嘢！……咁就可以啦吧？」

    我:「狄朗，你明唔明呀？……我Ai嘅人始终系佢，我去到边度生活都好，我嘅心都系会喺佢嗰度。」

    狄朗:「咁我呢？……你心入面有冇一部份系喺我度？」

    我想他去面对现实:「你记得当日我哋喺艺术工作室长凳上面嘅情景嘛？」

    狄朗:「我记得……你听完个电话，就话有啲事走咗去，……之後嗰两星期，我打极电话都揾唔到你，唔知你去咗边？」

    我:「你知唔知我去咗边？」

    狄朗一声不响，似是猜想什麽。

    我:「你唔驶谂……，你估啱咗。……我就系去同佢见面。」

    狄朗:「佢咁唔珍惜你，而且佢有老婆！……点解你仲要见佢？」

    我:「佢话好挂住我，好想见我，我忍唔住所以即时揼低你喺artstudio，去同佢见面。」